नेपाल 'ए' र आयरल्यान्ड 'ए' बीचको खेल रद्द
चैत १५, २०८० बिहिबार
धनुषा – प्रदेश नम्बर २ सरकारले आउँदो आर्थिक वर्ष २०७५/०७५ को बजेट प्रदेशसभामा प्रस्तुत गरेको छ ।
प्रदेश नम्बर २ का आर्थिक मामिला तथा योजना मन्त्री विजय यादवले २९ अर्ब ७८ करोड ६९ लाख ३८ हजारको बजेट प्रस्तुत गर्नुभएको हो । बजेटको चालुतर्फ १४ अर्ब ९७ करोड ५६ लाख १३ हजार र पूँजीगततर्फ १५ अर्ब ३३ करोड १३ लाख २५ हजार रुपैयाँ बजेट रहेको छ ।
बजेटले सडक निर्माणलाई मुख्य प्राथमिकतामा राखेको छ । सरकारले पूर्वाधार विकासका लगि १ अर्ब २६ करोड रकम छुट्याएको छ । कृषिमा आत्मनिर्भर बनाउन ‘हर खेतमे पानी, हर हाथमे काम’ भन्ने नारासहित ५२ करोड बजेट विनियोजन गरेको छ । यस्तै युवालाई कृषिमा आकर्षित गर्न १६ करोड रुपैयाँ बजेट छुट्याइएको छ ।
मुख्यमन्त्री स्वच्छता अभियानमा २१ करोड, मुख्यमन्त्री बेटी पढाउ, बेटी बचाउ योजनाका लागि २० करोड रुपैयाँ बजेट विनियोजन गरेको छ । यस्तै प्रदेश २ सरकारले प्रत्येक निर्वाचन क्षेत्रमा ५० लाख रुपैयाँ छुट्याएको छ । आर्थिक मामिला तथा योजनामन्त्री विजय यादवले पेश गर्नुभएको बजेटमा सांसदको योजनामा खर्च गर्न प्रत्येक निर्वाचन क्षेत्रमा ५० लाख रुपैयाँ विनियोजन गरिएको छ ।
त्यस्तै मुख्यमन्त्री राहत र पुनस्र्थापना कोषमा १५ करोड रुपैयाँ विनियोजन गरिएको छ भने निःशुल्क दलित शिक्षा र छात्रावास निर्माणको लागि ८ जिल्लामा ८ करोड रुपैयाँ छुट्याएको छ ।