काठमाण्डौ – धुर्मुस सुन्तली फाउण्डेसनले चितवनको भरतपुरमा अन्तर्राष्ट्रिय क्रिकेट रंगशाला निर्माणको घोषणा गरिसकेका छन् । यसका लागि सहयोग रकम पनि आउन थालिसकेको छ । यसैबीच रंगशाला निर्माणका निम्ति सहयोग रकम उठाउने उद्देश्यकासाथ धुर्मुस सुन्तली मलेसिया गएका छन् । 

उनीहरुको साथमा लोकदोहोरी गायक बद्री पंगेनी, गायिका मेलिना राई पनि सहभागी छिन् । सहयोग रकम संकलनका निम्ति मलेसियामा धुर्मुस सुन्तली साँझको आयोजना गरिएको छ । यो कार्यक्रम मलेसियाका विभिन्न शहरहरुमा आयोजना गर्ने तयारी रहेको धुर्मुस सुन्तली फाउण्डेसनका प्रमुखसमेत रहेका सिताराम कट्टेलले बताए ।

धुर्मुसले आफूहरुले रंगशालाको औपचारिक घोषणा गरेकै समयमा नेपाली क्रिकेट टिमले यूएईलाई हराउँदै ऐतिहासिक जित निकालेकाले अफ्नो हौसला अझ बढेको बताए । हामीले कसैलाई पनि दिनै पर्छ भनेका छैनौँ तर सबै नेपालीहरुले आफूले सकेको सहयोग गरेमा घोषित मितिभन्दा अगाडि नै नेपालमा गौतम बुद्ध अन्तर्राष्ट्रिय रंगशालाको निर्माण सम्पन्न गर्न सकिने कुञ्जना घिमिरे (सुन्तली) ले बताइन् । 

उनीहरु मलेसियाको कार्यक्रम सकेर एकसाता पछि नेपाल फर्किने बताइएको छ ।

– उज्यालो र गफगाफ डटकमको सहकार्य