म्यानचेस्टर युनाइटेडलाई हराउँदै बार्सिलोना च्याम्पियन्स लिगको सेमिफाइनलमा

 बैशाख ४, २०७६ बुधबार ७:२७:१ | उज्यालो सहकर्मी
unn.prixa.net

म्यानचेस्टर युनाइटेडलाई हराउँदै बार्सिलोना च्याम्पियन्स लिगको सेमिफाइनलमा प्रवेश गरेको छ । 

मंगलबार राति भएको क्वार्टरफाइनलको दोस्रो लेगमा युनाइटेडलाई तीन शून्यले हराउँदै समग्रमा चार शुन्यको जित निकालेर बार्सिलोनाले अन्तिम चारमा स्थान बनायो । 

पहिलो लेगमा एक शून्यको अग्रता बनाएको बार्सिलोनालाई दोस्रो लेगमा तीन शून्यको जित दिलाउन लियोनल मेस्सीले दुई गोल गरे । घरेलु मैदान नोउ क्याम्पमा भएको खेलको १६ औं मिनेटमा मेस्सीको गोलमार्फत अग्रता बनाएको बार्सिलोनाले २० औं मिनेटमा मेस्सीले नै दोस्रो गोल गरे । 

पहिलो हाफमा दुई गोलको अग्रता बनाएको बार्सिलोनाका लागि ६१ औं मिनेटमा कोउन्टिन्होको गोलमार्फत तीन शून्यको सहज जित निकाल्यो । 

सन् २०१४–१५ को सिजनपछि बार्सिलोना पहिलो पटक च्याम्पियन्स लिगको सेमिफाइनलमा प्रवेश गरेको हो ।

अन्तिम अपडेट: फागुन २८, २०८०

तपाईको प्रतिक्रिया