सिन्धुपाल्चोकमा जन्ती बस दुर्घटना : तीन जनाको ज्यान गयो, बेहुल...
बैशाख ७, २०८१ शुक्रबार
सुर्खेत - वीरेन्द्रनगरमा जारी कर्णाली प्रिमियर लिग अन्तरगत मंगलबार भएको खेलमा त्रिभुवन आर्मी क्लब सेमिफाइनलमा प्रवेश गरेको छ ।
मध्यपश्चिम क्रिकेट क्लबलाई १ सय ७ रनले हराउँदै आर्मी सेमिफाइनलमा प्रवेश गरेको हो । जसका लागि राजेश पुलामी मगरले ५७ रन बनाए । उनले ३५ बलमा ५ चौका र ३ छक्का प्रहार गरे । हरिबहादुर चौहानले ५३, बिनोद भण्डारीले २२, रोहित कुमार पौडेलले १९ रन बनाए ।
आर्मीले दिएको १ सय १ सय ७९ रनको लक्ष्य मध्यपश्चिमले १६ दशमलब ४ ओभरमा सबै विकेट गुमाएर ७१ रन मात्र बनाउन सक्यो । यो सँगै मध्यपश्चिम क्रिकेट एकेडेमी प्रतियोगिताबाट बाहिरिएको छ ।
आज नै भएको पहिलो खेलमा न्यु होराइजन क्रिकेट एकेडेमी बुटवलले हिमालयन क्रिकेट एकेडेमी काठमाण्डाैलाई ५ विकेटले पराजित गरेको थियाे ।
टस जितेर ब्याटिङ गरेको न्यु होराइजनले १८ दशमलव २ ओभरमा सम्पूर्ण विकेट गुमाएर ९२ रन बनाएको थियाे ।
हिमालयनको लागि दिपेन्द्र ऐरीले २५ रन, अर्जुन रायमाझीले ३ विकेट तथा शक्ति गौचन र गोविन्द खत्रीले २-२ विकेट लिए ।
बुटवलले यो सँगै अन्तिम चारमा संभावना बलियो बनाएको छ ।
बुधबार हुने एपीएफ र महेन्द्रनगर क्रिकेट एकेडेमी बीचको खेलले समूह ‘बी’ बाट सेमिफाइनल पुग्ने दुई टोलीको टुंगो लाग्नेछ ।