लाेकेश बमले शतक बनाए पनि नेपालकाे 'ए' टाेली आयरल्यान्ड–उल्भ्स...
चैत १६, २०८० शुक्रबार
मकवानपुर - अख्तियार दुरुपयोग अनुसन्धान आयोगका प्रमुख आयुक्त नबिन कुमार घिमिरेले तीनै तहका सरकारमा बिचौलिया रहेको बताउनुभएको छ ।
संघीय सरकार, प्रदेश सरकार र स्थानीय सरकारमा बिचौलियाका कारण अनियमितता हुने गरेको बताउनुभएको छ । अख्तियार दुरुपयोग अनुसन्धान आयोगको हेटौंडा कार्यालयको आयोजनामा कार्यालय प्रमुखहरुसँग भएको छलफल कार्यक्रमलाई सम्बाेधन गर्दै उहाँले हरेक क्षेत्रमा बिचौलिया चुनौतीपूर्ण बन्दै गएको बताउनुभयो ।
स्थानीय स्तरका बिचौलिया स्थानीय प्रशासनले नै तह लगाउन सक्ने पनि उहाँले बताउनुभयो । आफू प्रमुख जिल्ला अधिकारीसमेत भएर काम गरेको अनुभव सुनाउँदै उहाँले प्रहरी लगाएर स्थानीय स्तरका बिचौलिया प्रशासनले तह लगाउन सक्ने बताउनुभयो ।
सरकारले गरेका एक हजार ८ सय ४८ रुग्ण प्रकृतिका ठेक्काको काम हेर्दा ठूलो अनियमितता भएको पाइएको बताउनुभयो । यी योजनामा ४७ वटा योजनाको अनियमितताका विषयमा विस्तृत अनुसन्धान गरिरहेको घिमिरेले बताउनुभयो । निर्माण क्षेत्रमा अझै पनि कार्टेलिङ रहेको उहाँको भनाइ छ ।
मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।