न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
अमेरिकी राष्ट्रपति डोनाल्ड ट्रम्प भारतीय प्रधानमन्त्री नरेन्द्र मोदी सरकारको नीतिलाई लिएर असन्तुष्ट छन् ।
ट्रम्पले फेरि एक पटक भारतीय नीतिको आलोचना गरेका छन् । अमेरिकी राष्ट्रपति डोनाल्ड ट्रम्पले मंगलबार भारतलाई निशाना बनाउँदै अमेरिकी उत्पादनमाथि भारतले लगाउने कर अब मान्य नहुने बताएका छन् ।
यद्दपि ट्रम्पले यो विषयमा अरु कुनै जानकारी नदिए पनि भारतले अमेरिकी उत्पादनमाथि कर नहटाएमा नयाँ कदम चाल्ने बताएका छन् । ट्रम्पले भारतविरुद्ध आगामी दिनमा ठोस कदम उठाउन सक्ने बताइएको छ ।
ट्रम्पले ट्वीट गर्दै भनेका छन्, ‘भारतले लामो समयदेखि अमेरिकी उत्पादनमा कर लगाउँदै आएको छ । अब यसलाई सहन सकिँदैन ।’
— Donald J. Trump (@realDonaldTrump) July 9, 2019
गएको जुन महिनाको सुरुवातमा जी–२० बैठकभन्दा अघि अमेरिकी राष्ट्रपति ट्रम्पले ट्वीट गर्दै भारतले अमेरिकी उत्पादनमा लगाएको २८ प्रतिशत कर फिर्ता लिन भनेका थिए ।
त्यसपछि प्रधानमन्त्री मोदी जी–२० बैठकमा सहभागिता जनाउन जापानको ओसाका पुगेका थिए र त्यहाँ दुई नेताबीच भेटघाट भएको थियो ।
ट्रम्पले भनेका थिए, ‘म भारतीय प्रधानमन्त्री मोदीसँग यो विषयमा कुरा गर्नेछु । भारतले अमेरिकी उत्पादनमाथि भारतीय बजारमा भारी कर असुलिरहेको छ । यतिमात्र नभई भर्खरै कर बढाएको छ । यो पूर्णरुपमा अस्वीकार्य छ, भारतले तुरुन्त फिर्ता लिइयोस्।’
गएको १ जुनमा अब अमेरिकाले भारतसँगको कारोबारमा विशेष छुट फिर्ता लिएको थियो तब भारतले आफ्नो बजारमा अमेरिकी उत्पादनमा २८ प्रतिशत कर लगाउन सुरु गरेको थियो ।
ट्रम्प ‘अमेरिका फर्स्ट’ नीति लिएर हिँडिरहेका छन् । अर्थात् पहिला अमेरिकाको हित अनि मात्र बाँकि अरु चिज ।