अमेरिकामा दोस्रो पटक सुँगुरको मिर्गाैला जीवित मानिसमा प्रत्या...
बैशाख १३, २०८१ बिहिबार
दाङ – सर्पको टोकाइबाट दाङमा दुईजनाको ज्यान गएको छ । सुतेकै अवस्थामा सर्पले डस्ता बबई गाउँपालिका वडा नम्बर ४ हापुरेका २५ वर्षीय देवराज आलेको ज्यान गएको छ ।
सोमबार राति सुतेकै अवस्थामा सर्पले डसेको र मंगलबार बिहान उपचारका क्रममा राप्ती अञ्चल अस्पताल तुलसीपुरमा उनको ज्यान गएको ईलाका प्रहरी कार्यालय हापुरेले जनाएको छ । गर्मीका कारण भुईँमै सुतेकाले सर्पले टोकेको प्रहरीले जानकारी दिएको छ ।
यसैगरी तुलसीपुर उपमहानगरपालिका वडा नम्बर ८ अश्वाराका ४ वर्षीय झपेन्द्र विकको पनि सर्पको टोकाईबाट ज्यान गएको छ । उपचारका क्रममा बाँँकेको कोहलपुर मेडिकलकलेजमा उनको ज्यान गएको प्रहरीले जानकारी दिएको छ ।
त्यस्तै सर्पकै टोकाइबाट गम्भीर घाइते भएकी उनकी ११ वर्षीया दिदी अनिता विकको कोहलपुर मेडिकलकलेजमै उपचार भइरहेको ईलाका प्रहरी कार्यालय तुलसीपुरका डीएसपी प्रकाश सापकोटाले जानकारी दिनुभयो ।
दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।