मकवानपुर – ६ वर्षअघि हेटौँडा मेनरोडकी विन्दवासिनी कंशाकारलाई एसिड छ्याप्ने अभियुक्त दिलीप केशरीलाई प्रहरीले पक्राउ गरेको छ । 

बारा प्रहरीको सहयोगमा अभियुक्तलाई साढे पाँच वर्षपछि पक्राउ गरिएको हो । २०७० साल वैशाख ९ गते विन्दवासीनीलाई एसिड प्रहार गरी भारतमा लुकेर बसेका केशरीलाई बारा प्रहरीले शुक्रबार पक्राउ गरेको हो ।

पक्राउ गरेलगतै अभियुक्त केशरीलाई अहिले जिल्ला प्रहरी कार्यालय मकवापनुरको हिरासतमा राखिएको छ ।

यो ६ वर्षको अवधिमा मकवानपुरमा धेरै प्रहरी प्रमुख फेरिए तर दिलीपराज केशरीलाई पक्राउ गर्न सकिएको थिएन । तर केशरी भने नेपाल-भारत ओहोरदोहोर गर्दै आइरहेका थिए ।

बारा आएको समयमा शुक्रबार उनलाई पक्राउ गर्न सकिएको प्रहरी स्रोतले जनाएको छ ।