कपनबाट पेस्ताेलसहित एक जना पक्राउ
चैत १६, २०८० शुक्रबार
काठमाण्डाै - मन्त्रिपरिषद्काे पुनर्गठनकाे कसरत भैरहँदा उपसभामुख शिवमाया तुम्बाहाम्फेले राष्ट्रपति विद्यादेवी भण्डारीलाई भेट्नु भएकाे छ ।
प्रधानमन्त्री केपी शर्मा ओलीले उपसभामुखबाट राजीनामा दिएर मन्त्री बन्न आग्रह गरेपछि उहाँले राष्ट्रपतिसँग भेट गर्नुभएको हो । तर राजीनामा दिने, नदिनेबारे उहाँले प्रस्ट पारिसक्नुभएको छैन । आफूले राजीनामा दिँदा उपसभामुख पद पनि खालि रहने उहाँले बताउनु भएकाे छ । केही समयदेखि उहाँलाई राजीनामा दिन लगाएर मन्त्री बनाउने र नेकपाले अरु कसैलाई सभामुख बनाउने कसरत गरिरहेकाे छ ।
उपसभामुख तुम्बाहाम्फे भने आफूले दुई वर्ष उपसभामुखकाे जिम्मेवारी सम्हालेकाे र पार्टीले जिम्मेवारी दिए सभामुख बन्न तयार रहेकाे बताउँदै आउनु भएकाे छ । उहाँले पार्टीले जसलाई सभामुख बनाए पनि आफूले मान्ने बताउँदै आउनु भएकाे छ ।
स्रोतका अनुसार मन्त्री बन्न तयार भए पनि पाेर्टफाेलियाेका कारण उहाँ दाेधारमा हुनुहुन्छ । मन्त्रिपरिषद् पुनर्गठनको तयारीमा रहेका प्रधानमन्त्री ओलीले बुधबार बिहान उपसभामुख तुम्बाहम्फेसँग भेट गर्नुभएको थियो ।
बलात्कार काण्डमा मुछिएका तत्कालीन सभामुख कृष्णबहादुर महराले राजीनामा दिएपछि सभामुखमा नयाँ अनुहार ल्याउन नेकपा प्रयासरत छ ।