न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
धनुषा - रामजानकी विवाह महोत्सवका लागि जनकपुरधाममा खटिएका एक प्रहरी निरीक्षक ९० हजार रुपैयाँ घुससहित पक्राउ परेका छन् ।
अख्तियार दुरुपयोग अनुसन्धान आयोगले सर्लाही जिल्लामा कार्यरत प्रहरी निरीक्षक रामकिशोर साहलाई विवाह पञ्चमी महोत्सवमा सुरक्षाका लागि खटिएका बेला शुक्रबार दिउँसो घुससहित पक्राउ गरेकाे हाे ।
जनकपुरधामको रामानन्दमा रहेकाे होटल सीता प्यालेसबाट साहलाई घुससहित पक्राउ गरिएको अख्तियार दुरुपयोग अनुसन्धान आयोगको कार्यालय बर्दिवासले जनाएको छ । ठगी मुद्दा मिलाइदिने शर्तमा ९० हजार रुपैयाँ घुस लिइरहेको अवस्थामा अख्तियारको टोलीले साहलाई पक्राउ गरेको बताइएकाे छ ।
लामो समयदेखि जिल्ला प्रहरी कार्यालय धनुषामा कार्यरत प्रहरी निरीक्षक साहलाई विवाह पञ्चमीको सुरक्षाको लागि काजमा जनकपुरधाम बोलाइएको थियो । पक्राउ परेका साहलाई नियन्त्रणमा लिएर भ्रष्टाचार निवारण ऐन अनुसार मुद्दा चलाउने तयारी भइहेको अख्तियारले जनाएको छ ।