प्रिमियर लिगमा आज राति आर्सनल र चेल्सी खेल्दै
बैशाख ११, २०८१ मंगलबार
कास्की – १३ औँ दक्षिण एसियाली खेलकुद (साग) अन्तर्गत पोखरामा भएको ट्रायथलनमा पुरुषतर्फ नेपालले कास्य पदक जितेको छ ।
भारतका आदर्श सिनिमोलले १ घण्टा २ मिनेट ३१ सेकेण्डमा दुरी पार गरेर स्वर्ण पदक हात पारे । भारतकै विश्वरजित साइखोमले १ घण्टा २ मिनेट ५९ सेकेण्डमा दुरी पार गरेर रजत पदक हात पारे ।
नेपालका वसन्त थारुले १ घण्टा ३ मिनेट ६ सेकेण्डमा दुरी पार गर्दै कास्य पदक जितेका छन् ।
त्यस्तै ट्रायथलनमा महिलातर्फ नेपालकी सोनी गुरुङले नेपाललाई स्वर्ण पदक दिलाएकी छिन् । उनले निर्धारित दुरी १ घण्टा १३ मिनेट ४५ सेकेण्डमा पूरा गरेकी हुन् ।
ट्रायथलनमा महिलातर्फ भारतले रजत र कास्य पदक जितेको छ । भारतकी सारोजिनी देवी थौडमले १ घण्टा १४ मिनेट र प्रग्न्या मोनानले १ घण्टा १४ मिनेट ५७ सेकण्डमा दुरी पार गरेका हुन् ।
गौरी घाटबाट सुरु भएको ट्रायथोलनमा खेलाडीहरुले ७५० मिटर पौडी, २० किलोमिटर साइकल र ५ किलोमिटर दौड पूरा गरेका थिए । प्रतियोगितामा नेपाल, भारत र श्रीलंका सहभागी थिए ।
कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।