न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
तेह्रथुम, – असार वितिसक्दा पनि पर्याप्त पानी नपरेपछि तेह्रथुमका अधिकांश खेत बाँझै छन् । पानी नपर्दा किसानले लगाएको मकै बालीसमेत नष्ट हुन थालेको छ ।मकैको बोट नै सुक्न थालेपछि किसान चिन्तित बनेका छन् । तेह्रथुमका सुख्खाग्रस्त दर्जनभन्दा बढी गाउँका किसानले लगाएको मकैका बोटै सुक्न थालेपछि किसानलाई वर्षभरी के खाने ? भन्ने चिन्ताले सताउन थालेको छ ।
बारीमा फल लाग्ने बेला भएको मकैको बोटै सुक्न थालेपछि गाउँमा भोकमरीको सम्भावना निम्तिने सम्भावना बढेको छथर गाउँपालिका–४ फाक्चामाराका विष्णु सुवेदीले बताउनुभयो । छथर गाउँपालिकाको फाक्चामारा, पञ्चकन्या, हमरजुङ, सुदाप र ओख्रेका विभिन्न गाउँका किसानले लगाएको मकैका बोटै सुक्न थालेका छन् ।
फेदाप गाउँपालिकाको सिम्ले र जलजलेमा पनि मकै खडेरीले सुकाएको गाउँपालिकाका उपाध्यक्ष गीतादेवी थापाले बताउनुभयो । ‘वैशाख र जेठमा केही पानी परे पनि त्यसयता पानी परेको छैन,’ उपाध्यक्ष थापाले भन्नुभयो, ‘त्यसैले गाउँमा खेतमा रोपाइँ हैन, बारीमा लगाएको मक समेत सुकेर जाने अवस्था आएको छ ।’
आठराई गाउँपालिकाको थोक्लुङ, चुहानडाँडा, सक्रान्ति, छातेढुंगालगायत गाउँमा पनि खडेरीले मकै सुक्न थालेको छ । असार वितिसक्दा समेत पानी परेको छैन । किसानले लगाएको मकै बाली मात्र हैन, गहत, कोदोलगायत बालीमा समेत खडेरीले प्रभाव पारेको छ ।
उज्यालोका तेह्रथुम सहकर्मी प्रकाश धौलाकोटी रेडियो तेह्रथुममा पनि काम गर्नुहुन्छ ।