जथाभाबी फोहर फाल्नेबाट वीरगञ्ज महानगरले उठायो २७ लाख रुपैयाँ
चैत १६, २०८० शुक्रबार
बझाङ – लेकाली भेगमा हिमपातसँगै अत्याधिक चिसो बढेपछि बझाङका भेडापालक किसानहरु बेसी झर्न थालेका छन् । चिसोसँगै भेडाको चरन क्षेत्र हिउँले पुरेपछि अधिकांश भेडापालकहरु बेसी झर्न थालेका हुन् ।
भेडापालक धनबहादुर धामीले परापूर्वकालदेखि भेडा चर्ने, हिँड्ने र बास बस्ने ठाउँमा स्थानियहरुले अवरोध गर्न थालेपछि बेसी झर्नुपरेको बताउनु भयो ।
धुली, धलौन, काँडा, मेलविसौना, रिलु, मष्टा, कैलास लगायतका झण्डै ५ सय ३० बढी परिवारले ५०/६० हजारभन्दा बढी भेडा च्याङग्रा पाल्दै आएका छन् । भेडापालक किसानहरुले बेसी झरेपनि समस्या झन बढेको गएको गुनासो गरेका छन् ।
भेडापालक नरबहादुर बोहरा भन्नुहुन्छ, ‘यात्राको क्रममा लुटिने, कुटिने र ठगिने गरेका गरेका छौँ। सामुदायिक वनमा भेडा चराएबापत शुल्क तिर्नुपर्छ भन्दै एउटा समूह आउँछ । एक समूहलाई पैसा दियो अर्काे समूह आएर धम्क्याउँछ ।’
सामुदायिक वनका पदाधिकारीले छुट्टै पैसा असुल्ने गरेको उहाँले बताउनुभयो । एउटै वनमा ७ दिन भेडा चराए बापत पटक–पटक गरी कम्तीमा २५/३० हजार रुपैयाँसम्म तिरेको उहाँले बताउनुभयो । ‘पैसा नदिए भेडा नै खोसेर जबर्जस्ती लिने गर्छन्’, उहाँले बताउनुभयो ।
तल्कोट गाउँपालिका ७ का धन बहादुर धामी अहिलेभन्दा द्वन्द्वकालमा ठिक रहेको स्मरण गर्नुहुन्छ । ‘द्वन्द्वकालमा न कसैले हेथ्प्यो न गाली गथ्र्याे । भेडा जहाँ चराए पनि हुन्थ्यो । व्यवसाय राम्रोसंँग चलेको थियो ।’
२५० भेडा लिएर डोटी जिल्लाबाट बझाङसम्म पुग्दा आधा बढी भेडा चोरेरै सकिने गरेको उहाँले बताउनुभयो । साईपाल गाँउपालिकाका सबै बासिन्दाको मुख्य पेशा नै भेडा व्यवसाय भएको पालिकाका अध्यक्ष राजेन्द्र बहादुर धामीले भेडा पालकहरुले दुःख पाएको बताउनुभयो । सामुदायिक बनमा भेडा चराउन रोक लगाएपछि अझै बढी मारमा परेको उहाँले बताउनुभयो ।