सारङ्गीको धुनमार्फत झण्डै आठ हजारलाई ट्राफिक सचेतना

 फागुन १३, २०७६ मंगलबार १७:१८:३७ | उज्यालो सहकर्मी
unn.prixa.net

काठमाण्डौ - ट्राफिक प्रहरीले सारङ्गीको धुनमार्फत सात हजार सात सय जनालाई ट्राफिक सचेतना प्रदान गरिएको छ । 

यो अभियान प्रभावकारी भएको महानगरीय ट्राफिक प्रहरी महाशाखाले जनाएको छ । गएको माघ २९ देखि साेमबारसम्म सारङ्गीको धुनमार्फत ट्राफिक सचेतना प्रदान गर्ने कार्यक्रम गरिएको हो ।

महाशाखाका प्रमुख, प्रहरी वरिष्ठ उपरीक्षक भीमप्रसाद ढकालले कार्यक्रमअन्तर्गत सारङ्गीको धुनमार्फत सडक अनुशासन र ट्राफिक नियमसम्बन्धी जानकारी गराएको बताउनुभयो ।

महाशाखाले काठमाण्डाै उपत्यकाको नयाँ बानेश्वर, बागबजार, रत्नपार्क, वीर अस्पताल, नयाँ सडक, कालीमाटी, त्रिपुरेश्वर, नयाँ बसपार्क, कलङ्की, स्वयम्भू, कोटेश्वर, विमानस्थल र जावलाखेल क्षेत्रमा सारङ्गीको धुनमार्फत ट्राफिक जनचेतना फैलाएको हाे ।

ट्राफिक जनचेतनाका लागि हेमराज गन्धर्व, बालाराम गन्धर्व, दिलबहादुर गन्धर्वलगायतले सारङ्गीमा सहयाेग गर्नुभएकाे थियो । 

अन्तिम अपडेट: चैत १, २०७६

तपाईको प्रतिक्रिया