सवारी पाससम्बन्धी नयाँ व्यवस्था

 चैत २५, २०७६ मंगलबार २१:४४:३९ | उज्यालो सहकर्मी
unn.prixa.net

काठमाण्डौ - लकडाउनका बेला प्रयोग भइरहेको सात दिने  पहेँलो रङको सवारी पास अब थपिएको लकडाउन अवधिभर मान्य हुने भएको छ ।

जिल्ला प्रशासन कार्यालय, काठमाण्डौबाट विभिन्न मितिमा जारी भएको सात दिने लेखिएको पास अब थपिएको लकडाउन अवधिभर मान्य हुने महानगरीय ट्राफिक प्रहरी महाशाखाका प्रवक्ता प्रहरी उपरीक्षक जीवनकुमार श्रेष्ठले जानकारी दिनुभयो ।

पासमा १ दिने, ३ दिने वा अन्यथा लेखिएका छन् भने अब त्यस्तो पासहरू भने आजबाट खारेज भएको छ ।

प्रवक्ता श्रेष्ठका अनुसार पास भएकालाई पनि विशेष निगरानी गरिने भएकाले अनावश्यक काममा गाडी चलाउन पाइंदैन । एक व्यक्तिको नाममा भएको पास अर्को व्यक्तिलाई दिनेमाथि पनि  महाशाखाले विशेष निगरानी तथा जाँच गरि कारबाही गर्न थालेको उहाँले जानकारी दिनुभयो ।
 

अन्तिम अपडेट: जेठ ५, २०७७

तपाईको प्रतिक्रिया