इलाम – भारतले नेपाली भूमि मिचेको विरोध प्रदर्शन गर्ने क्रममा इलाममा दुई जना पक्राउ परेका छन् ।

विरोधका क्रममा नेपाली कांग्रेस इलामका जिल्ला सचिव निरोज खड्गी र नेपाल विद्यार्थी सङ्घ इलामका अध्यक्ष प्रकाश भट्टराईलाई प्रहरीले आइतबार इलाम चोक बजारबाट पक्राउ गरेको हो । 

भारतले गएको शुक्रबार नेपालकाे पश्चिम सीमा क्षेत्रमा रहेकाे नेपाली भूमिमा सडक उद्घाटन गरेकाे थियाे । त्याे कार्यकाे विरोध गर्दै इलाम चोक बजारमा कोण सभा गर्ने क्रममा सचिव खड्गी र अध्यक्ष भट्टराईलाई पक्राउ गरिएको जिल्ला प्रहरी कार्यालय इलामले जनाएको छ । 

भारतले नेपाली भूमि मिचेपछि यसको सडकदेखि सदनसम्मै विरोध भइरहेको छ । कांग्रेस कार्यकर्ताहरुले भने आफ्नो विरोध कार्यक्रममाथि प्रहरीले हस्तक्षेप गरेको आरोप लगाएको छ ।