काठमाण्डाै – गणित शिक्षा परिषद् धादिङले देशभरका गणित शिक्षकका लागि प्रविधिमा आधारित विद्यार्थी र शिक्षकमैत्री शिक्षक अभिमुखीकरण कार्यक्रम गरिरहेको छ । गएकाे जेठ १६ गतेदेखि सुरु भएकाे कार्यक्रम १५ दिनसम्म चल्नेछ ।

विभिन्न जिल्लाका चार सय २७ जना गणित शिक्षक सहभागी भिडियो अभिमुखीकरण कार्यक्रम विहान साढे ७ देखि ९ बजेसम्म सञ्चालन हुँदै आएको छ ।कार्यक्रममा गणित विषयको शिक्षण कसरी गर्ने भन्नेबारेमा छलफल हुँदै आएको छ ।

अभिमुखीकरण कार्यक्रम जुम एपमार्फत सञ्चालन हुँदै आएको परिषद्का सचिव उत्तम भट्टले जानकारी दिनुभयो । कार्यक्रममा शिक्षा क्षेत्रका व्यक्तिलाई पनि ल्याइने गरिएको छ ।

बिहीबारकाे कार्यक्रममा पूर्व शिक्षा मन्त्री डाक्टर गङ्गालाल तुलाधर सहभागी हुनुभएकाे थियाे ।