यी हुन विश्वकै बस्न योग्य १० शहर

 साउन २९, २०७५ मंगलबार १७:३०:२५ | उज्यालो सहकर्मी

यस वर्ष भएको वार्षिक सर्वेक्षणमा अष्ट्रियाको राजधानी भियना विश्वकै बस्नलायक अर्थात सुन्दर शहरको सूचीमा एक नम्बरमा परेको छ ।

अष्ट्रियाको राजधानी भियना

द इकाेनाेमिष्ट पत्रिकाकाे इकोनोमिष्ट इन्टिलिजेन्स युनिटले वार्षिक रुपमा प्रकाशित गर्दै आएको प्रतिवेदन गएको सोमबार सार्वजनिक गरिएको थियो । प्रतिवेदनमा विश्वका १० वटा शरहलाई एक–दुई–तीन गरी अङ्कित गरिएको छ । प्रथम स्थानमा ९९।१ अङ्क प्राप्त गरी भियना प्रथम स्थानमा रहेको छ ।

अस्ट्रेलियाको मेलबोर्न

अस्ट्रेलियाको मेलबोर्नले ९८।४ अङ्क प्राप्त गरी दोस्रो स्थानमा परेको छ । मेलबोर्न गएको सात वर्षदेखि लगातार पहिलो स्थानमा रहँदै आएको थियो । तेस्रो स्थानमा जापानको ओसाका सहर परेको छ ।

जापानको ओसाका सहर

क्यानाडाको क्यालगरी चौथो स्थानमा, अष्ट्रेलियाको सिड्नी पाँचौ स्थानमा, क्यानाडाकै भ्यानकोभर र टोरन्टो क्रमशः छैटौं र सातौं स्थानमा, जापानको टोकियो आठौं, डेनमार्कको कोपनहेगन नवौं र अष्ट्रेलियाकाे एडिलेड दशौं स्थानमा परेका छन् ।

अष्ट्रेलियाकाे सिड्नी

त्यस्तै भारतको दिल्ली बस्न लायक शहरको सूचीमा ६५ औं स्थानमा परेको छ । उत्कृष्ट १० स्थानमा परेका यी शहरलाई हेर्दा अष्ट्रेलिया र क्यानाडामा तीन तीन शहरहरु परेका छन् ।

क्यानाडाकै भ्यानकोभर

भिएना अष्ट्रेलियाको मेलबोर्न शहरलाई पछि पार्दै आगाडि पहिलो नम्बरमा आएको छ । भिएनामा अपराधमा कमी आएको, यातायातको सुविधा, शिक्षा र स्वास्थ्य सुविधा जस्ता कुरा लगायत राजनीतिक स्थायित्वको कारण पनि बस्न लायक शहरको पहिलो स्थानमा परेको बताइएको छ ।

क्यानडाकाे टोरन्टो

जापानको टोकियो

डेनमार्कको कोपनहेगन

अष्ट्रेलियाकाे एडिलेड

बस्न अयोग्य शहरको सूचीमा पहिलो नम्बरमा सिरियाको राजधानी दमास्कस रहेको छ । यस्तै बङ्गलादेशको राजधानी ढाका, नाइजेरियाको लागोस, पाकिस्तानको कराची र पपुवा न्यु गिनीको पोर्ट मोरेस्बी पनि बस्न अयोग्यको सूचीमा रहेका छन् । काठमाडाैं, क्वालालम्पुर, काेलम्बाे, ढाकाकाे अवस्था पनि सुधार हुन नसकेकाे अध्ययनमा जनाइएकाे छ ।

पाँच वर्षयता अबिद्जान, हनोइ, बेलग्रेड र तेहरान सहरले भने विकासको फड्को मारेका छन् ।
 

अन्तिम अपडेट: चैत १४, २०८०

तपाईको प्रतिक्रिया