दुर्इ रुकुमकाे सीमा विवाद समाधान गर्न कार्यदल गठन

 असोज २६, २०७५ शुक्रबार १९:४६:३० | राजु लामिछाने
unn.prixa.net

रुकुम पश्चिम – साविकको सिङ्गो रुकुम दुई जिल्लामा विभाजन भएपछि देखिएको सीमा विवाद समाधानका लागि कार्यदल गठन गरिएको छ ।

रुकुम पश्चिम र रुकुम पूर्वका दुइ स्थानीय तहबीच देखिएको सीमा विवाद समाधान गर्न कार्यदल गठन गरिएको हो । रुकुम पश्चिमको मुसिकोट नगरपालिका ८ र रुकुम पूर्वको सिस्ने गाउँपालिका वडा नम्बर ६ बीच घोरखानीको किट्नीमा सीमाना विवाद देखिएको थियो ।

जिल्ला टुक्रनुअघि एउटै जिल्लाका साविक साँख र रुकुमकोट गाविसकै वडाहरुको बीचमा विवाद सुरु भएको हो । त्यो विवाद अहिले फेरि देखिएपछि समाधानका लागि रुकुमकोटमा वार्ता गरिएको थियो ।

वार्ताले नापी गरेर समस्याको समाधान खोज्ने सहमति गर्दै ६ सदस्यीय कार्यदल गठन गरेको छ । जसमा मुसिकोट नगरपालिकाका प्रमुख देविलाल गौतम र उपप्रमुख प्रेमकुमारी सुनार केसी तथा सिस्ने गाउँपालिका अध्यक्ष कुमारी बराल र उपाध्यक्ष गोबर्धन बुढा रहनुभएको छ ।

दुवै पालिकाबाट एक–एक जना प्राविधिक राख्ने सहमति भएको छ । 

अन्तिम अपडेट: असोज २८, २०७५

राजु लामिछाने

राजु लामिछाने रुकुमका उज्यालो सहकर्मी हुनुहुन्छ । उहाँलार्ई फेसबुकमा भेट्न सकिन्छ ।

तपाईको प्रतिक्रिया