दार्चुला – जिल्ला प्रशासन कार्यालय दार्चुलाको नवनिर्मित भवनको उद्घाटन भएको छ । गृह मन्त्रालयका सचिव एकनारायण अर्यालले आज प्रशासन कार्यालय दार्चुलाको भवनको उद्घाटन गर्नुभयो ।

छ करोड ४५ लाख ३६ हजार नौ सय ९१ रुपैयाँमा १५ कोठा भएको तीन तले भवन निर्माण भएको प्रमुख जिल्ला अधिकारी यज्ञराज जोशीले जानकारी दिनुभयो । २०७९ साल चैतमा किराँतेश्वर जागृति जेभी कम्पनीले निर्माण सम्पन्न गरेको भवनको आज उद्घाटन भएको हो । नवनिर्मित भवनबाट गएको वर्षको वैशाख २ गतेदेखि सेवा प्रवाह भइसकेको छ ।

भवन उद्घाटन कार्यक्रममा गृहसचिव अर्यालसहित नेपाल प्रहरीका प्रमुख वसन्तबहादुर कुँवर, सशस्त्र प्रहरीका प्रमुख राजु अर्याल, राष्ट्रिय अनुसन्धान विभागका प्रमुख हुतराज थापासहितकाे टाेली काठमाण्डाैबाट दार्चुला पुगेकाे हाे । यसैबीच गृहसचिवको टोलीले दार्चुलाको भ्रमण पनि गरेको छ ।