सप्तरी – सप्तरीको राजविराज रुपनी सडकखण्ड अन्तर्गत रुपनी गाउँपालिका १ मा भ्यानको ठक्करबाट एक महिलाको ज्यान गएको छ ।

राजविराजबाट रुपनीतर्फ जाँदै गरेको ना १ ज ८१०३ नम्बरको म्याजिक भ्यानकाे ठक्करबाट पैदल यात्री रुपनी गाउँपालिका वडा नम्बर १ का ३८ वर्षका प्रमिलादेवी पासवानको ज्यान गएको जिल्ला प्रहरी कार्यालय सप्तरीका प्रवक्ता एवं डीएसपी भावेश रिमालले जानकारी दिनुभयो ।

त्यो दुर्घटनामा पासवानकी १४ महिनाका छोरी पार्वतीकुमारी पासवान गम्भीर घाइते भएको प्रहरीले जनाएको छ । भ्यानको ठक्करबाट आमा र छोरी दुवै घाइते भएको तथा आमाको युनिक अस्पताल रायपुरमा उपचारको क्रममा ज्यान गएको प्रहरीले जनाएको छ । छोरीको युनिक अस्पतालमै उपचार भइरहेका छ ।

भ्यानसहित चालकलाई इलाका प्रहरी कार्यालय रुपनीको नियन्त्रणमा लिएको छ ।