जुम्ला – अनसनरत डाक्टर गोविन्द केसीको स्वास्थ्य अवस्था गम्भीर भएपछि अस्पताल पुर्‍याइएको छ । 

अनसनस्थलमै केसीको स्वास्थ्य अवस्था गम्भीर भएपछि कर्णाली स्वास्थ्य विज्ञान प्रतिष्ठानका स्वास्थ्यकर्मीहरुले उठाएर एम्बुलेन्समा अस्पताल पुर्‍याएका छन । 

डाक्टर केसीलाई गाह्रो भएपछि अस्पताल ल्याइएको प्रतिस्ष्ठानका मेडिकल डाइरेक्टर डाक्टर पुजन रोकायाले जानकारी दिनुभयो । ‘एक्कासी मृगौलाको समस्या भएपछि कसैलाई सोध्ने कुरा भएन, अस्पताल पुर्‍यायाैँ, डाक्टर विनोद अर्यालले जानकारी दिनुभयो । 

डाक्टर केसीलाई कठिन भएपछि जीवन रक्षाका लागि भन्दै चिकित्सकहरुले अस्पताल पुर्याएको प्रतिष्ठान पुग्नुभएका सहायक प्रमुख जिल्ला अधिकारी टेकबहादुर बुढ्थापाले जानकारी दिनुभयो ।  

अहिले डाक्टर केसीको कर्णाली प्रतिष्ठानको इमरजेन्सीमा उपचार भैरहेको छ ।