कर्णाली स्वास्थ्य विज्ञान प्रतिष्ठानमा झडप भएको छ । २० दिनदेखि अनसन बसिरहेका डाक्टर गोविन्द केसीलाई काठमाडौं पठाउन प्रहरीले बल प्रयोग गरेपछि काठमाडाैं ल्याउन नदिने केसीका समर्थकहरु घाइते भएका छन् ।

बल प्रयोग गर्ने क्रममा प्रहरीले कर्णाली स्वास्थ्य विज्ञान प्रतिष्ठानभित्रै अश्रु ग्यास प्रहार गरेको थियो । लाठी चार्ज र अश्रु ग्यास प्रहार हुँदा डाक्टर केसीको अनसनमा साथ दिइरहेका अस्पतालका विद्यार्थी र स्थानीयवासी घाइते भएका हुन् । अहिले पनि अस्पतालको अवस्था तनावग्रस्त छ । 

डाक्टर केसीको समर्थकले माग पूरा नगरी काठमाडौं लैजान लागेपछि, स्थानीय वासिन्दा  विद्यार्थीलगायतले विरोध गरेपछि प्रहरीले लाठीचार्ज र अश्रु ग्यास प्रहार गरेको हो । डाक्टर केसीलाई जुम्लाबाट ल्याउन सरकारले विहान हेलिकोप्टर पठाएको छ ।