संसदमा तनाव भएपछि संसदीय छानबिन समिति गठनको मुद्दा थप पेचिलो
जेठ ४, २०८१ शुक्रबार
लमजुङ - लमजुङका विभिन्न पालिकाहरुले लकडाउनको पालना गर्दै सामाजिक दूरी कायम गरेर स्थानीय स्रोत साधनको उपयोग गर्दै अधुरा योजनाहरुलाई अगाडि बढाउने भएका छन् । पालिकाहरुले सम्झौता भइसकेका र अधुरा रहेका योजनाहरुलाई अघि बढाउने भएका हुन् ।
कृषि, पशुपालनका क्षेत्रका साथै प्राथमिकताका आधारमा विकासे योजनाहरु अघि बढाउन नगरपालिका जुटेको नगरपालिकाका प्रेस सल्लाहकार कृष्ण केसीले जानकारी दिनुभयो ।
‘कृषि पशुपालन, आय-आर्जन कार्यक्रम अघि बढाउन नगरपालिका जुट्दै छ, स्थानीय स्रोत साधन, स्थानीय जनशक्ति परिचालन गरी प्राथमिकताका आधारमा कतिपय विकासे योजनाहरु पनि अघि बढाउने नगरपालिकाले निर्णय गरेको छ’, उहाँले भन्नुभयो ।
यसैगरी, स्थानीय स्रोतसाधन, जनशक्तिको उपयोग गर्दै प्राथमिकताका आधारमा योजना, कार्यक्रम अघि बढाइने राइनास नगरपालिकाले जनाएको छ ।
मर्स्याङ्दी गाउँपालिकाले स्थानीय कच्चा पदार्थ, स्थानीय मजदुर परिचालन गरी सामुदायिक भवन निर्माण, बाटोघाटो, कुलो निर्माण, नाला निर्माण, वाल निर्माण लगायतका कार्यहरु अघि बढाउने उपाध्यक्ष होमबहादुर विकले जानकारी दिनुभयो ।
'यो समयमा एक गाउँका मजदुर अर्को गाउँमा गएर मजदुरी गर्न पाउने छैनन् । जो जहाँ छन् त्यहीँका मजदुर परिचालन गरी काम गर्ने गरि तयारी अघि बढाएका छौँ', विकले भन्नुभयो ।
यस्तै, दोर्दी गाउँपालिकाले पनि इस्टिमेट भइ सम्झौता भएका, लकडाउनका कारण रोकिएका योजनाहरुलाई अघि बढाएको छ ।
‘विशेषगरी ज्याला मजदुरी गर्दै आएका स्थानीय मजदुरलाई परिचालन गरि सामाजिक दूरी कायम गरी विकासे योजनाहरु अघि बढाइको छ', गाउँपालिका उपाध्यक्ष दिलबहादुर घलेले भन्नुभयो ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
श्यामशितल परियार उज्यालोकाे लमजुङ र मनाङ जिल्ला सम्वाददाता हुनुहुन्छ ।