स्याङ्जा – स्याङ्जामा कोरोना सङ्क्रमित एक जनाको उपचारका क्रममा ज्यान गएको छ ।

पोखरा स्वास्थ्य विज्ञान प्रतिष्ठानमा उपचाररत स्याङजाको आँधीखोला गाउँपालिका सिरुवारीका पुरुषको ज्यान गएको हो । असार ८ गते अस्पताल भर्ना भएका ५५ वर्षका पुरुषको गएराति ज्यान गएको प्रतिष्ठानले विज्ञप्ती निकालेर जानकारी दिएको छ । ती पुरुषमा कोभिड १९ सङ्क्रमणसँगै सिभियर निमोनिया, मधुमेह रोगको समेत समस्या रहेको प्रतिष्ठानले जनाएको छ ।

यो सहित स्याङ्जामा कोरोनाबाट ज्यान गुमाउनेको संख्या दुई पुगेको छ । यसअघि वालिङ ३ का ५८ वर्षका कोरोना सङ्क्रमितको पोखरामा उपचारका क्रममा ज्यान गएको थियो ।

गएराति ज्यान गुमाएका पुरुषको ज्यान गएकोबारे स्वास्थ्य मन्त्रालयले पुष्टि गरिसकेको छैन । कोरोनाबाट गण्डकी प्रदेशमा सङ्क्रमितको संख्या ७ सय ५३ पुगेको छ ।