धनुषा – सामाजिक परिचालकहरुले दुई बुँदे माग पूरा गर्न प्रदेश नम्बर २ सरकारलाई पाँच दिने अल्टिमेटम दिएका छन् ।

नेपाल सामासिजक परिचालक कर्मचारी संघ प्रदेश नम्बर २ ले शनिबार जनकपुरमा पत्रकार सम्मेलन गरी प्रदेश २ सरकारलाई दुई बुँदे माग अघि सार्दै पाँच भित्र पूरा नभए कडा आन्दोलन गर्ने चेतावनी दिएको हो ।

लामो समयसम्म नागरिकको सेवा गरे पनि गएको असारबाट प्रदेश नम्बर २ का ८ सय ५४ जना सामाजिक परिचालकलाई नेपाल सरकारले कामबाट निकालेको भन्दै उनीहरु पाँच दिन भित्र प्रदेश सरकारले माग पूरा नगरे आफूहरु कडा संघर्षमा उत्रिने चेतावनी दिएका हुन् ।

नेपाल सरकारको पूर्ण सेवा सुविधा उपलब्ध गराई अहिलेलाई कार्यालय सहायकमा म्याद थप गरी निरन्तरता दिनु पर्ने र योग्यताको आधारमा एक पटक उमेर हद नलाग्ने गरी दरबन्दी सृजना गरी स्थानीय तह कर्मचारीमा समायोजन गर्नु पर्ने लगायतका दुई बुँदे माग सामाजिक परिचालकहरुको छ ।

लोमो समय सामाजिक परिचालकमा कार्यरत्त आफूहरुलाई सरकारले कामबाट हटाउँदा उमेर हद लगायतका विभिन्न कारण रोजगारी पाउन समेत असम्भव भएकाले माग सम्बोधन नभए सडक संघर्ष लगायतको चरणबद्ध आन्दोलनको कर्यक्रम घोषणा गर्ने समाजिक परिचालक कर्मचारी संघ प्रदेश २ का अध्यक्ष शिवशंकर मेहताले चेतावनी दिनुभएको छ ।