काठमाण्डौ - संयुक्त अरब इमिरेट्स (यूएई)ले आफ्नो देशको विकासका लागि काम गर्न सक्ने विदेशी नागरिकलाई नागरिकता दिने भएको छ । 

यूएईका उपराष्ट्रपति शेख मोहम्मद बिन रसिद अल मक्तुमले यूएईलाई अझ राम्रो बनाउन सक्ने लगानीकर्ता, डाक्टर, इन्जिनियर, कलाकारजस्ता क्षमतावान् ‘होनाहार’ व्यक्तिलाई नागरिकता दिन लागिएको बताउनु भएको हो । 

यस्ता व्यक्ति र उनीहरूका परिवारले पनि दोहोरो नागरिकता राख्न पाउने उहाँले बताएका बीबीसी हिन्दीले लेखेको छ । कम आय भएका व्यक्तिले यो प्रावधानमार्फत नागरिकता पाउन भने कठिन रहेको खबरमा उल्लेख गरिएको छ । 

यूएईको विकासको  यात्रामा योगदान गर्न सक्ने व्यक्तिहरुलाई आकर्षित गर्न यस्तो प्रावधान ल्याएको उपराष्ट्रपति शेख मोहम्मद बिन रसिद अल मक्तुमले बताउनु भएको छ । 

We adopted law amendments that allow granting the UAE citizenship to investors, specialized talents & professionals including scientists, doctors, engineers, artists, authors and their families. The new directives aim to attract talents that contribute to our development journey.

— HH Sheikh Mohammed (@HHShkMohd) January 30, 2021