सिन्धुली - सिन्धुलीको सदरमुकाम सिन्धुलीमाढीमा रहेको भूसंरक्षण कार्यालयका भवनमा ३९ शय्याको क्वरेन्टीन स्थल निर्माण गरिएको छ ।

कमलामाई नगरपालिका, नेपाली सेनाको बद्र्धबहादुर गण, सिन्धुली अस्पताल र नेपाल रेडक्रस सोसाईटी शाखा सिन्धुलीको सक्रियतामा क्वरेन्टीन निर्माण गरिएको नगरपालिकाका सूचना अधिकारी सागरकुमार ढकालले जानकारी दिनुभयो ।

अहिले ३९ वटा शय्याको क्वरेन्टीन निर्माण भए पनि आवश्यकता अनुसार अरु १० वटा बेड थप्न  आवश्यक सबै सामग्री तयारी अवस्थामा राखिएको उहाँले बताउनुभयो । उहाँले भन्नुभयो, ‘क्वरेन्टीन निर्माण गर्न बद्र्धबहादुर गणले खाट, म्याट्रेस, तन्ना र रेडक्रसले जग र बाल्टिन सहयोग गरेको छ ।’ 

क्वरेन्टीन निर्माण गर्न जिल्ला प्रशासन कार्यालय बसेको पुरानो भवन पनि तयारी अवस्थामा राखिएको उहाँको भनाइ छ । 

त्यस्तै मरिण गाँउपालिकाले पनि मरिण बहुमुखी क्याम्पसमा पाँच सय जना क्षमताको क्वरेन्टीन निर्माण गर्न तयारी सुरु गरेको गाउँपालिका अध्यक्ष पानीराज बम्जनले जानकारी दिुनुभयो ।