गुल्मी – गुल्मीमा होम क्वरेण्टीनमा मृत्यु भएका पुरुषको काेराेना परीक्षण रिपाेर्ट पोजेटिभ आएको छ । छत्रकोट गाउँपालिका ५ काे मैनडाँडाका ६९ वर्ष पुरुषको बिहीबार राति होम क्वेण्टीनमा मृत्यु भएको थियो । 

गएकाे जेठ २५ गते भारतको मुम्बईबाट घर फर्कनुभएका उहाँको आरडीटी परीक्षण गर्दा रिपोर्ट पोजेटिभ आएपछि उहाँ होम क्वरेण्टीनमा बस्दै आउनुभएको थियो । क्वरेण्टीनमा मृत्यु भएपछि उहाँको स्वाब परीक्षणकाे लागि शुक्रबार लुम्बिनी प्रादेशिक अस्पताल भैरहवा पठाइएको थियो । 

लुम्बिनी प्रादेशिक अस्पतालमा शनिबार गरिएको स्वाब परीक्षणमा मृतकको स्वाब परीक्षणकाे रिपोर्ट पोजेटिभ आएको स्वास्थ्य कार्यालय गुल्मीका सूचना अधिकारी पशुपति आचार्यले जानकारी दिनुभएको छ । मृतककाे शव शुक्रबार नेपाली सेनाको टोलीले व्यवस्थापन गरेको थियो ।