नारायणी नदीमा बन्ने 'सिग्नेचर' पुलकाे प्रधानमन्त्रीद्वारा शिलान्यास
बैशाख ३१, २०८१ सोमबार
सङ्खुवासभा – विभिन्न आयोजना तथा सीमा नाकाको अनुगमनका लागि सङ्खुवासभा आउनुभएका प्रधानमन्त्री केपी शर्मा ओली बहुचर्चित अरुण तेस्राे आयोजना स्थलमा पुग्नुभएको छ ।
प्रधानमन्त्री ओली चीनसँगको सीमा क्षत्रको किमाथाङ्का नाका, नेपाल, भारत र चीन जोडिने सडक कोशी करिडोर र सीमा सुरक्षा पोष्ट (बीओपी) को अनुगमनपछि अरुण तेस्राेकाे आयोजना स्थल पुग्नुभएको हो ।
२०७४ वैशाख २८ गते भारतीय प्रधानमन्त्री नरेन्द्र मोदी र प्रधानमन्त्रीले संयुक्तरुपमा अरुण तेस्रोको शिलान्यास गर्नुभएको थियो । भोटखोला गाउँपालिकाको च्याम्ताङमा हेलिकप्टर अवतरण गरेर कोशी करिडोरको अवलोकन गर्ने भनिए पनि हेलिकप्टर बस्न समस्या भएपछि उहाँले हेलिकप्टरबाट नै अनुगमन गर्नुभएको हो ।
अरुण तेस्राे आयोजनास्थलको प्रगतिबारे जानकारी लिएर प्रधानमन्त्री ओली केही बेरमा काठमाण्डौ फर्कनुहुने सङ्खुवासभाका प्रमुख जिल्ला अधिकारी जीवनप्रसाद आचार्यले बताउनुभयो ।
प्रधानमन्त्री ओलीसँगै उहाँकी श्रीमती राधिका शाक्य, भौतिक पूर्वाधार तथा यातायातमन्त्री वसन्तकुमार नेम्वाङ, राष्ट्रिय सभा विधायन व्यवस्थापन समितिका सभापति परशुराममेघी गुरुङ र सङ्खुवासभाका सङ्घीय सांसद राजेन्द्र गौतम, प्रदेश नम्बर १ का मुख्यमन्त्री शेरधन राईलगायत सङ्खुवासभा पुग्नुभएको हो ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
संखुवासभाका पत्रकार नवीन गुरुङ उज्यालोका जिल्ला सम्बाददाता हुनुहुन्छ ।