महोत्तरी – महोत्तरीको पिपराबाट बेपता भएका झा दम्पतीको खोजीका लागि प्रहरी प्रधान कार्यालय काठमाण्डौबाट केन्द्रीय अनुसन्धान ब्युराे (सीआईबी) काे टोली महोत्तरी खटाइएकाे छ ।

पिपरा गाँउपालिका ५ का मोसाफिर झा र उहाँकी श्रीमती गीतादेवी झाकाे खाेजीका लागि सीआईबीकाे टोलीलाई महोत्तरी पठाइएको सीआईबीका प्रमुख सहकुल थापाले जानकारी दिनुभयो ।

गएकाे फागुन १० गते रातिको समयमा आफ्नै कोठामा सुतेको अवस्थामा झा दम्पती बेपता भएका थिए । घटना घटेको दिनदेखि नै झा दम्पतीकाे खाेजीका लागि जिल्ला प्रहरी कार्यालय, प्रदेश प्रहरीलगायतका प्रहरी टिम खटिएको महोत्तरीका प्रहरी उपरीक्षक (एसपी) दिवेशकुमार आचार्यले जानकारी दिनुभयो ।  

झा दम्पतीकाे घर र चौकाेसमा रगतका छिटा देखिएकाले घटना रहस्यमय भएको भन्दै प्रहरीले फागुन ११ गते मङ्गलबार बिहानैदेखि वृद्ध दम्पतीको खोजी गरिरहेकााे एसपी आचार्यले बताउनुभएकाे छ । प्रहरीले झा दम्पतीकाे अवस्थाबारे अनुसन्धानका लागि अहिलेसम्म ३० भन्दा धेरै व्यक्तिसँग साेधपुछ गरिएकाे तर अवस्था पत्ता नलागेकाे बताइएकाे छ । 

झा दम्पती सुतेको अवस्थामै बेपत्ता पारिनु, उनीहरू सुतेको खाट पनि फेला नपर्नुले घटना थप रहस्यमय बनेकाे छ ।