रुकुम पश्चिम – रुकुम पश्चिमको सानीभेरी गाउँपालिकाको अध्यक्ष र उपाध्यक्ष दुवै पदमा नेकपा माओवादी केन्द्र विजयी भएको छ । सोमवार दिउँसो सम्पन्न भएको मतगणनाअनुसार अध्यक्षमा बिर्खबहादुर विष्ट र उपाध्यक्षमा कमला रोका पुन विजयी हुनुभएको निर्वाचन अधिकृतको कार्यालय सानीभेरीले जनाएको छ । 

अध्यक्ष विष्टले ६ हजार १९ मत प्राप्त गर्नुभएको छ । उहाँका प्रतिस्पर्धी नेपाली कांग्रेसका गोरखप्रसाद चन्दले ४ हजार ३ सय २० मत प्राप्त गर्नुभयो । नवनिर्वाचित अध्यक्ष विष्ट यसअघि सानीभेरी गाउँपालिका ३ को वडाध्यक्ष हुनुहुन्थ्यो । 

उपाध्यक्षमा निर्वाचित कमला रोकाले ५ हजार ९ सय ५८ मत प्राप्त गर्नुभएको छ । रोकाका प्रतिस्पर्धी नेकपा एमालेका प्रकाश खड्काले ३ हजार ४ सय ४२ मत प्राप्त गर्नुभयो । उपाध्यक्ष पदमा निर्वाचित रोका यसअघि सानीभेरी गाउँ कार्यपालिकाको सदस्य हुनुहुन्थ्यो ।  

सानीभेरी गाउँपालिकाका ११ वटा वडामध्ये ३ र ४ मा कांग्रेसका उम्मेदवार निर्वाचित भएका छन् भने ९ वटा वडामा माओवादीका उम्मेदवारहरु निर्वाचित भएका छन् । सानीभेरीमा कांग्रेस र एमालेबीच चुनावी गठबन्धन रहेको थियो ।