रुकुम - रुकुम पश्चिमको मुसिकोट नगरपालिकाको मेयरमा नेपाली कांग्रेसका महेन्द्र केसी र उपमेयरमा नेकपा (एकीकृत समाजवादी) का विमल कुमार पुन विजयी हुनुभएको छ । 

केसी ६ हजार ९ सय १४ मत प्राप्त गरेर विजयी हुनुभएको मुख्य निर्वाचन अधिकृतको कार्यालयले जानकारी दिएको छ ।

उहाँका निकटतम प्रतिद्वन्द्वी नेकपा माओवादीका वसन्तकुमार शर्माले शर्माले ६ हजार ९ सय १ मत पाउनुभएको छ । १३ मतको फरकले केसीले मेयरमा विजय हासिल गर्नुभएको हो । 

उपमेयरमा विजयी नेकपा (एकीकृत समाजवादी)का विमलकुमार पुनले ६ हजार १ सय ४० मत प्राप्त गर्नुभएको छ ।

पुनले नेकपा एमालेका थलवीर ओलीलाई १ सय ५५ मतले पराजित गर्नुभएको हो । उहाँका निकटतम प्रतिद्वन्द्वी ओलीले ५ हजार ९ सय ८५ मत पाउनुभएको छ । 

मुसिकोटमा नेपाली कांग्रेस र एमालेले गठबन्धन गरेका थिए भने माओवादी केन्द्र, नेकपा (एकीकृत समाजवादी) र जनता समाजवादीले गठबन्धन गरेका थिए ।