कलाकारहरुकाे यसपालीको तिज !

 भदौ १५, २०७६ आइतबार १६:६:५४ | उज्यालो सहकर्मी
unn.prixa.net

हरितालिका तिज हिन्दू नारीहरूले मनाउने एउटा महत्वपूर्ण चाड हो । यो पर्वलाई श्रीमान श्रीमतीको सम्बन्धलाई प्रगाढ बनाउने पर्वका रुपमा पनि लिइन्छ । श्रीमतीले श्रीमानको दीर्घायुको लागि व्रत बस्ने र पूजाआजा गर्ने यो पर्वको विशेषता हो । यो पर्वमा विवाह नभएकाले राम्रो श्रीमान पाउँ भनेर माग्दा त्यो माग भगवान शिवजीले पूरा गरिदिने विश्वास छ ।

यो पर्व मुख्य रूपले नेपालभर मनाइन्छ भने भारतका कुनै कुनै प्रान्तमा पनि मनाइन्छ । हिन्दू धार्मिक ग्रन्थ अनुसार हिमालयले आफ्नी छोरी पार्वतीको कन्यादान भगवान विष्णुसँग गरिदिने वचन पार्वतीलाई मन नपरे पछि आफूले मन पराएको वर पाउन जंगल गएर शिवजीको तपस्या गर्न थालिन् ।

पार्वतीको कठोर व्रतको कारण शिवजी प्रकट भएर चिताएको कुरा पुगोस् भनी आशिर्वाद दिएपछि शिव पार्वतीको विवाह हुन पुग्यो । यही कारण तिज पर्व मनाउने गरिन्छ । आज हामीले तिजको अवसरमा महिला सेलिब्रेटीहरुको बारेमा चर्चा गर्दैछौँ  ।

दीपाश्री निरौला

विगत २७ वर्षदेखि कलाकारितामा सक्रिय दीपाश्री अभिनयमा सफल भएपछि निर्देशनमा हात हालिन् र सफलता पनि पाइन् । छक्का पञ्जाबाट निर्देशनमा डेब्यू गरेकी दीपाश्रीले डेब्यू निर्देशनबाटै कीर्तिमानी निर्देशकको परिचय पाइन् । काममा निकै मेहनत गर्ने दीपा धर्मकर्ममा पनि रुचि राख्छिन् । अझ शिव भगवानसँग उनको निकै नै लगाव छ ।

कोमल वली

गायिका, सञ्चारकर्मी तथा सांसद कोमल वलीका लागि तिज विशेष हुन्छ । उनी हरेक वर्ष तिजमा तिज गीत सार्वजनिक गर्ने गर्छिन् । केही वर्ष अघि मात्रै उनले पोइल जान पाम् भन्दै शिवजीलाई पुकारेको गीतले खुबै चर्चा पायो । 

उमेरका हिसाबले कोमल अहिले ५० कटिसकेकी छिन् । कोमलले कहिले पोइल जान पाम्, कहिले भेटिएन कोही जस्ता गीत गाएकी छिन् ।

निरुता सिंह

दार्जिलिङमा जन्मेर नेपाली सिनेमामा सफलता पाएकी निरुता अहिले मुम्बइमा बसोबास गर्दै आएकी छिन् । केही भारतीय विज्ञापन र सिरियलहरुमा समेत काम गरेकी निरुताले केही वर्षको अन्तरपछि नेपाली सिनेमामा पनि काम गरिन् ।

नाईँ नभन्नु ल ५ बाट कमब्याक गरेकी निरुताले त्यसपछि सिनेमा दाल भात तरकारीमा काम गरिन् । 

ऋचा शर्मा

अभिनेत्री ऋचा शर्माले पनि जीवनका तीन दशक काटिसकेकी छिन् । ‘फस्ट लभ’बाट सिनेमा क्षेत्रमा प्रवेश गरेकी ऋचा एकताका अभिनेता विनय श्रेष्ठसँगको प्रेमका कारण चर्चामा थिइन् । 

ऋचासँग अलग भएर विनयले ब्युटि थेरापिस्ट एनी थापासँग विवाह गरेर एक सन्तानका पिता बनिसकेका छन् । ऋचा भने यही वर्ष विवाह गर्ने तयारीमा छिन् । उनले आफ्नो विवाह यही वर्ष हुने तर कहिले भनेर पक्का नभएको बताउँदै आएकी छिन् । 

नम्रता श्रेष्ठ 

अभिनेत्री श्रेष्ठ अझै केही वर्ष सिनेमा क्षेत्रमा नै बिताउने बताउँछिन् । केही समय अघिमात्रै नम्रताले अभिनय तथा निर्माण गरेको सिनेमा जाइराले सामान्य व्यापार गरेको थियो ।

पूजना स्त्री

तीन दशक पार गरेकी पूजनाले सिनेमा ‘चक्लेट’ निर्माण गरिन् र आफैँ खेलिन् पनि । तर सिनेमाले सफलता भने पाएन । सडक बालबालिकाको कथालाई मुख्य विषयवस्तु बनाएर निर्माण गरिएको यो सिनेमाको असफलतापछि उनले सामाजिक सञ्जालमा नआउने निर्णय लिएर चर्चा पाएकी थिइन् ।

पूजना पुष्पराज पुरुषसँग प्रेममा रहेको चर्चा छ । पूजना अहिले सिनेमा क्षेत्रबाट पनि टाढा भएकी छन् । 

सम्झना बुढाथोकी

चार दशक टेक्न आँटेकी सम्झनाले मोडलिङमा सफलता पाइन् । लामाे समयसम्म उनले निर्देशक तथा मोडल शंकर बिसीसँग सँगै काम गरिन् ।

शोभा त्रिपाठी 

विगत १५ वर्षदेखि सञ्चारक्षेत्रमा सक्रिय शोभा पनि तीस काटिसकेकी छिन् । तर उनी आफ्नो उमेर सार्वजनिक गर्न चाहन्नन् । हरेक सालको तिजमा उनले विभिन्न तिज विशेष गीतहरु बजारमा लिएर आउने गरेकी छन् । 

सुनिता दुलाल

अर्की गायिका सुनिता दुलाल पनि तीन दशक पार गरिसकेकी छिन् । केही वर्ष अघि उनले आफैँले आफू विवाह गर्ने तयारीमा रहेको हल्ला चलाएकी थिइन् । उनले हरेक वर्षको तिजलाई गीतमार्फत विशेष बनाउने गरेकी हुन्छिन् ।

उनी हरेक वर्ष तिज विशेष गीतहरु निकाल्ने गर्छिन् । यो वर्ष भने उनी नेपाली रियालिटी शो लोकस्टारमा जजको भूमिकामा छिन् ।  उनका ‘दर खाने दिन’ अब त मैलै नी झुम्का लगाउँछु, यस पाली नी खाने हो दर, नाचौँ सरर लगायतका तिज गीतहरु चर्चामा छन् । 

* यसअघि प्रकाशित सामग्रीले महिलाहरुकाे आत्मसम्मानमा ठेस पुगेकाले क्षमा माग्दै सच्याएका छाैँ । –सम्पादक 

अन्तिम अपडेट: भदौ २९, २०७६

1 Comments

  • Rabindra Suwal

    Sept. 1, 2019, 6:16 p.m.

    A big piece of shit. Why are you blaming the actresses of all the bullshits that was created by you yourself ? They deserve respect. Whatever they do, their age, marital status is none of your business you Patrukar. Learn to be a journalist. Really a big shame. Sexiest article, shaming and blaming women. This is a disgusting piece. You are a disgrace for so called journalism. Take another profession

  •  0 Reply

तपाईको प्रतिक्रिया