सिन्धुपाल्चोक बस दुर्घटना: ज्यान गुमाउनेको संख्या १५ पुग्यो, पाँच जनाको सनाखत

कात्तिक १७, २०७६ आइतबार १८:१५:२८ | उज्यालो सहकर्मी

सिन्धुपाल्चाेक – दोलखाको मागा देउरालीबाट काठमाण्डौ जाँदै गरेको बस सुकुटेमा दुर्घटना हुँदा ज्यान गुमाउनेको संख्या १५ पुगेको छ ।

दुर्घटनामा तीन महिने शिशुसहित ज्यान गुमाउनेको संख्या १५ पुगेको जिल्ला प्रहरी कार्यालय सिन्धुपाल्चोकले जनाएको छ । प्रहरीका अनुसार दुर्घटनामा ज्यान गुमाएकामध्ये पाँच जनाको सनाखत भएको छ ।

सम्बन्धित समाचार

सिन्धुपाल्चाेक बस दुर्घटना अपडेट : ज्यान गुमाउनेकाे संख्या ६ पुग्याे, २० जनाकाे उद्धार

सिन्धुपाल्चाेक बस दुर्घटना: तीन जनाकाे ज्यान गएकाे पुष्टि

दुर्घटनामा भीमेश्वर नगरपालिका-९ की २४ वर्षीया रञ्जिता केसी, शैलुङ गाउँपालिका ३ की ५१ वर्षीया रत्नकुमारी रावत, त्यसै ठाउँकी तीन महिने शिशु सिसम तामाङ, सिन्धुपाल्चोकको त्रिपुरा सुन्दरी गाउँपालिकाकी २७ वर्षीया चमेली श्रेष्ठ र उहाँकी ६ वर्षीया छोरी साइरामी श्रेष्ठको ज्यान गएको जिल्ला प्रहरी कार्यालय सिन्धुपाल्चोकका प्रहरी नायब उपरीक्षक (डीएसपी) माधवप्रसाद काफ्लेले जानकारी दिनुभयो ।

त्यस्तै दुर्घटनामा घाइते भएका ५० जनाको धुलिखेल अस्पताल र सिन्धुपाल्चोकको सिन्धु सदाबहार अस्पतालमा उपचार भैरहेको छ ।
घटनास्थलमा उद्धार कार्य जारी रहेको प्रहरीले जनाएको छ ।

अन्तिम अपडेट: बैशाख १४, २०८१

सिन्धुपाल्चोक बस दुर्घटना: ज्यान गुमाउनेको संख्या १५ पुग्यो, पाँच जनाको सनाखत

तपाईको प्रतिक्रिया