सप्तरी – सप्तरीमा मङ्गलवार (आज) बिहान ट्रकको ठक्करबाट साइकलमा सवार दम्पतीको ज्यान गएकाे छ । ना ६ ख ३८६१ नम्बरको मालवाहक ट्रकले ठक्कर दिँदा सप्तरीको हनुमाननगर कंकालिनी नगरपालिका १ भारदह भलुवाका ५० वर्षीय सत्यनारायण मण्डल र उहाँकी ४५ वर्षीया पत्नी सुनिता देवी मण्डलको ज्यान गएकाे हो ।

पूर्व–पश्चिम राजमार्गअन्तर्गत हुनमाननगर कंकालिनी नगरपालिका १ काे सडक खण्डमा अनियन्त्रित भएर ट्रकले मण्डल दम्पती सवार साइकललाई ठक्कर दिएको थियो । इलाका प्रहरी कार्यालय कञ्चनपुरका प्रमुख तथा प्रहरी नायब उपरीक्षक (डीएसपी) नरेश सिंहका अनुसार ट्रकको ठक्करबाट मण्डल दम्पतीको घटनास्थलमै ज्यान गएकाे हो । 

मृतक दम्पतीको शवको पोस्टमार्टमका लागि गजेन्द्रनारायण सिंह अस्पताल राजविराज पठाइएकाे र ठक्कर दिने ट्रकका चालकलाई पक्राउ गरिएकाे प्रहरीले जनाएको छ ।