बारा - बाराको निर्वाचन क्षेत्र नम्बर-१ बाट प्रतिनिधि सभा सदस्यमा नेकपा एमालेका अच्युत प्रसाद मैनाली विजयी हुनुभएको छ । मैनालीले नेपाली कांग्रेसका सहमहामन्त्री एवम् खानेपानी मन्त्री उमाकान्त चौधरीलाई पराजित गर्दै प्रतिनिधि सभा सदस्यमा निर्वाचित हुनुभएको हो ।

२०७४ को चुनावमा मैनाली कांग्रेसका चौधरीसँग पराजित हुनु भएको थियो ।

एमालेका मैनालीले कांग्रेस सहमहामन्त्री चौधरीलाई १० हजार ६९ मतको फराकिलो अन्तरले पराजित गर्नु भएको हो । मैनालीले ३९ हजार एक सय ९५ मत प्राप्त गर्नु भयो भने चौधरीले ३० हजार ५६ मत प्राप्त गर्नु भएकाे छ।

यस्तै प्रदेश सभा सदस्यमा बारा १ 'ख' बाट मधेस प्रदेशका सभामुख जसपाका सरोज प्रसाद यादव १५ हजार ९ सय २७ मतसहित विजयी हुनुभएकाे छ भने उहाँका निकटतम् प्रतिस्पर्धी नेपाली कांग्रेसका नागेन्द्र साह कलवारले ११ हजार ४० सय मत ल्याउनु भएकाे छ।