काठमाण्डाै – तीन खेलको एकदिवसीय क्रिकेट शृङ्खलाको दाेस्राे खेलमा आयरल्यान्ड 'ए' ले नेपालको ‘ए’ टोलीलाई १ सय ७५ रनकाे लक्ष्य दिएकाे छ ।

कीर्तिपुरकाे त्रिवि क्रिकेट मैदानमा टस हारेर ब्याटिङ गरेकाे आयरल्यान्ड ‘ए’ ३८ ओभर ४ बलमा १ सय ७४ रन बनाउँदा अल आउट भयाे । आयरल्यान्ड 'ए' का गभिन हाेएले ५०, कप्तान निल रकले ४५, लायम म्याककार्थीले ३५ रन बनाए । बलिङतर्फ नेपाल 'ए' का रिजन ढकाल र शाहब आलमले समान ३ विकेट लिए । यस्तै माैसम ढकालले २ र कमलसिंह ऐरीले १ विकेट लिए ।

एकदिवसीय शृङ्खलाकाे पहिलाे खेलमा नेपाल 'ए' २१ रनले पराजित भएकाे थियाे । नेपाल 'ए' र आयरल्यान्ड 'ए' बीचकाे अन्तिम खेल आइतवार हुनेछ । यसअघि नेपाल 'ए' टोलीसँगको तीन खेलकाे टी–२० क्रिकेट शृङ्खला आयरल्यान्ड 'ए' ले २–१ ले जितेको थियो ।