काठमाण्डाै – भारतमा चलिरहेकाे एसएमएस फ्रेन्डशिप कप टी–२० क्रिकेट शृङ्खलाअन्तर्गत बराेडासँग खेलमा नेपालले टस हारेकाे छ । गुजरातकाे वापीमा टस जितेर बराेडाका कप्तानले ब्याटिङ राेजेपछि नेपालले अहिले बलिङ गरिरहेकाे छ ।

नेपालकाे टाेलीमा आज ४ जना परिवर्तन भएका छन् । आज नेपालकाे कप्तानी दीपेन्द्रिसंह ऐरीले गर्दैछन् । आज दीपेन्द्रसँगै ललित राजवंशी, करण केसी र आकाश चन्द टोलीमा परेका छन् । आज नियमित कप्तान रोहित पौडेल, सोमपाल कामी, अविनाश बोहरा र आसिफ शेखले विश्राम पाएका छन् ।

यसअघि नेपाल लगातार तेस्रो जित हात पार्दै एक खेलअघि नै फाइनलमा पुगिसकेको छ । अस्ति बुधवार भएको खेलमा नेपालले गुजरातलाई ८ रनले हराएको थियो । यस्तै गुजरात पनि फाइनलमा पुगिसकेकाे छ ।

त्यसअघिका खेलमा नेपालले बरोडालाई २७ रनले र गुजरातलाई ८ विकेटले हराएको थियो । टी–२० क्रिकेट शृङ्खलाको फाइनल खेल पर्सि आइतवार  हुनेछ ।