काठमाण्डाै – कृषि, सहकारी तथा प्राकृतिक स्राेत समिति सभापति आरजु राणाले सानै उमेरमा हुने विवाह अनुमतिपत्र (लाइसेन्स) को व्यवस्था गर्न आवश्यक रहेको बताउनुभएको छ ।

बिहीवार ललितपुरमा भएको एक कार्यक्रममा सभापति राणाले विवाह गर्नका लागि पहिला नै लाइसेन्स लिनुपर्ने व्यवस्था गर्नसके कम उमेरमा विवाह गर्ने र विवाहको नाटक गरेर चेलीबेटी बेच्ने कुरा अन्त्य हुने जिकिर गर्नुभयाे । यसका लागि वडा तहदेखि नीति बनाउन आवश्यक रहेको उहाँकाे भनाइ छ ।

उहाँले भन्नुभयो, ‘विवाहका लागि लाइसेन्स लिन राम्रो हुन्छ । लाइसेन्स भयाे भने कम उमेरमा विवाह गर्ने र विवाह गर्छु भनेर भगाएर चेलिबेटी बेच्ने कुरा रोकिन सक्छ ।’

सभापति राणाले धेरै देशहरूमा विवाह अगाडि विवाह लाइसेन्स लिनुपर्ने व्यवस्था रहेको बताए पनि ती देशहरू कुन् हुन् भन्ने उल्लेख गर्नुभएन । उहाँले कम उमेरमा विवाह गर्नेहरूलाई अभिमुखीकरण दिनुपर्ने बताउनुभयो ।