कपिलवस्तु – कपिलवस्तुको शिवराज नगरपालिका वडा नं. ६ पैकी वण्डामा शुक्रबार दिउँसो भएको आगलागीका कारण १६ घ गोठ जलेर नष्ट भएको छ ।

स्थानीय बुधई कुर्मीको गोठबाट सुरु भएको आगलागीबाट वरपरका अन्य ११ घर र ५ गोठसमेत जलेर नष्ट भएको वडा प्रहरी कार्यालयले जनाएको छ ।

आगलागीबाट कुनै मानवीय क्षति भने भएको छैन । आगलागीबाट झण्डै ५४ लाख रुपैयाँ बराबरको धनमाल जलेर नष्ट भएको वडा प्रहरी कार्यालय चन्द्रौटाका प्रहरी निरीक्षक महेश्वर उपाध्यायले बताउनुभयो । 

आगलागी नियन्त्रण गर्ने क्रममा स्थानीय ४० वर्षीय सनिउल्लाह मुसलमान जलेर सामान्य घाइते  भएको प्रहरीले जनाएको छ । 

आगलागीबाट एउटा गाई जलेर मरेको  छ भने दुइटा गोरु घाइते भएका छन् । आगलागीलगत्तै कपिलवस्तु नगरपालिका र कृष्णनगर नगरपालिकाको २ वटा दमकल, नेपाल प्रहरी, सशस्त्र प्रहरी र स्थानीयको प्रयासमा २ घण्टा पछि आगो निभाइएको प्रहरी निरिक्षक महेश्वर उपाध्यायले बताउनुभयो ।