नेपालगञ्ज – भेरी अस्पताल नेपालगञ्जमा लिक्विड अक्सिजन आइपुगेकाे छ । अस्पतालमा आइपुगेको लिक्विड अक्सिजनलाई ट्याङ्कमा भण्डारण गरिएको छ ।

अब पाँच दिनभित्र केन्द्रीय पाइपलाइनबाट बिरामीसम्म सिधै अक्सिजन पुर्‍याउन सकिने अस्पतालका मेडिकल सुपरिटेन्डेन्ट डा. प्रकाश थापाले जानकारी दिनुभयो । २० हजार लिटर क्षमताको अक्सिजन ट्याङ्कबाट एक पटकमा झन्डै दुई हजार एक सय सिलिन्डर बराबरको अक्सिजन उत्पादन हुने प्रमुख डा. थापाले बताउनुभयाे । यसबाट झन्डै पाँच दिनसम्म अक्सिजन पूर्ति गर्न सकिने अस्पतालले जनाएको छ ।

अहिले अस्पतालले सिलिन्डरमार्फत बिरामीसम्म अक्सिजन पूर्ति गर्दै आएको छ । अस्पतालमा बाँकेसहित लुम्बिनी प्रदेशका अन्य जिल्ला, कर्णाली र सुदुरपश्चिम प्रदेशका झन्डै दुई सय ५० कोभिड–१९ सङ्क्रमितका बिरामी उपचाररत रहेका छन् ।