रुकुम पश्चिम - अध्ययनका लागि भारत गएका रुकुम पश्चिमका एक युवा एक हप्तादेखि बेपत्ता भएका छन् । रुकुम पश्चिमको मुसीकोट नगरपालिका-१ का २६ वर्षीय गोपाल खड्का एक हप्तादेखि भारतमा बेपत्ता हुनुभएको हो ।

भारतको देहरादुनमा रहेकाे अल्पाइन इन्सिच्युट अफ म्यानेजमेन्ट एण्ड टेक्नोलोजी कलेजमा बीएस्सी अध्ययन गरिरहेका खड्का गएकाे शुक्रवारदेखि हराउनुभएको उहाँका बुबा चिताराम खड्काले बताउनुभयो । 

परीक्षा सकेर नेपाल फर्किँदै गर्दा गाेपाल हराउनु भएकाे हाे । गोपालको खोजीका लागि नेपाल सरकारमार्फत भारतीय राजदूतावास नयाँ दिल्लीलाई पत्राचार गरिएको छ । तर अहिलेसम्म पत्ता लागेको छैन।

कहीँकतै भेटेमा वा गोपालको विषयमा जानकारी भएमा परिवार वा प्रहरी समक्ष जानकारी गरिदिन गोपालको परिवारले आग्रह गरेको छ ।

सम्पर्क नम्बरहरुः ७६१७६७७०६८, ९१९३७०६६२५, ९८३४०७३९७८