काठमाण्डौ – ग्लोबल आईएमई बैङ्क लिमिटेडले आफ्नो १७ औँ वार्षिकोत्सवको अवसरमा छुटकाे याेजना ल्याएकाे छ । यस याेजनामा ग्राहकले कार्ड तथा मोबाइल बैङ्किङ मार्फत गरिने कारोबारहरुमा १७ प्रतिशतसम्म छुट तथा एक हजार रुपैयाँसम्म ‘क्यास ब्याक’ पाउन सक्नेछन् ।

बैङ्कले आफ्नो १७ औँ वार्षिकोत्सवको अवसरमा आफ्ना ग्राहकहरुलाई यही पुष १६ गतेदेखि माघ १७ गतेसम्मका लागि बैङ्कको भिषा डेबिट र क्रेडिट कार्ड तथा एससीटी कार्डबाट योजना अवधिभर पीओएस मेसिनमार्फत गरिने १० वटाभन्दा बढी कारोबारमा २० हजार रुपैयाँभन्दा माथिको कारोबार रकममा एक हजार रुपैयाँको ‘क्यास ब्याक’ उपलब्ध गराउने छ ।

यसका साथै, वार्षिकोत्सवको अवसरमा बैङ्कले थप छुटकाे याेजना पनि ल्याएकाे छ । याे याेजनामा बैङ्कमा नयाँ खाता खोली ग्लोबल स्मार्ट प्लस प्रयोग गर्ने ग्राहकहरुले एसएमएसमा प्राप्त प्रोमो कोड प्रयोग गरी पहिलो पटकको क्यूआर कारोबार तथा मोबाइल रिचार्जमा १७ प्रतिशत वा अधिकतम एक सय ७० रुपैयाँ सम्मको छुट प्राप्त गर्न सक्नेछन् । यो क्यास ब्याक योजना पुष १७ गते देखि २३ गतेसम्म लागू हुनेछ ।