काठमाण्डाै – प्रजातन्त्र दिवसको अवसर पारेर कोशी प्रदेश सरकारले १४ जना सामुदायिक महिला स्वास्थ्य स्वयंसेविकालाई सम्मान गरेको छ । मुख्यमन्त्री केदार कार्कीले आज प्रदेशका १४ जिल्लाबाट एक–एक जना महिला स्वास्थ्य स्वयंसेविकालाई सम्मान गर्नुभएको हो ।

जनस्वास्थ्यका लागि खटिएका स्वास्थ्य स्वयंसेविकाहरूलाई जुत्ता लगाइदिएर मुख्यमन्त्री कार्कीले सम्मान गर्नुभयो । स्वयंसेविकाहरूलाई प्रदेशको स्वास्थ्य मन्त्रालय अङ्कित चाँदीको सिक्का, खादा, सम्मानपत्र र नगद १५ हजार रुपैयाँ प्रदान गरिएको थियो ।

स्वास्थ्य स्वयंसेविकाहरूलाई सम्मान गरेपछि बोल्दै कार्कीले आफ्ना सन्तानको हेरचाह छोडेर अरूको सेवा गर्न दौडनेहरूलाई सम्मान गर्न पाउँदा गौरव महसुस भएको बताउनुभयो । त्यसअघि बिहान प्रदेश सरकारले विराटनगरमा प्रभातफेरीको आयोजना गरेको थियो ।